Meşhur nemes sürüjisi Mihael Şumaheriň 2003-nji ýylda geçirilen “Formula-1” ýaryşynyň altynjy gezek çempiony bolan wagtynda süren “Ferrari” awtoulagy “Sotbis” auksionynda satuwa çykaryldy. Bu barada “Reutersiň” maglumatlaryna salgylanyp, gazeta.ru ýazýar.
Bilermenleriň bahalandyrmalaryna görä, ýaryş awtoulagy 7,6 million dollardan 9,4 million dollar aralygynda satylar. “Sotbis” auksiony Ženewada 90-njy noýabrda geçirilýär. Degişli loty haýsydyr bir höwesjeň ýaryş awtoulaglaryny sürüjiniň ýa-da sungat eserlerini toplaýjynyň satyn almagyna garaşylýar.
Ýeri gelende bellesek, 2003-nji ýyldaky möwsümde hut şol “Ferraride” Şumaher Gran-prileriň 5-sini eýelemegi başardy. Häzirki Mihael Şumaher 53 ýaşynda. Onuň hasabynda “Formula-1” ýaryşlarynyň 7 ýeňşi bar. Şolaryň 5-sini bolsa meşhur sürüji hut “Ferrari” düzüminde gazandy.
