PLanetF1 neşiri Formula-1 toparlarynyň 2025 möwsümi üçin alan pul baýraklaryny hasaplady. Geň ýeri, soňky iki ýylyň Konstruktorlar kubogynyň eýesi bolan McLaren toparlarynyň arasynda 165,8 million dollar bilen dördünji orny eýeledi.
Iň uly töleg Ferrari toparyna ($277,7 mln) düşdi. Hatda, hakyky çempionlardan — McLaren-den Mercedes ($230,8 mln) bilen Red Bull ($202,9 mln) hem has köp pul gazandy. Bu Ferrari-niň ýyllyk taryhy bonusy, şeýle hem Mercedes we Red Bull toparlarynyň 2010-njy ýyllaryň ikinji ýarymynda we 2020-nji ýyllaryň başynda agalyk etmegi sebäpli alýan goşmaça tölegleri bilen baglydyr.
PLanetF1-iň hasabaty boýunça Formula-1 toparlarynyň baýrak pullary:
- Ferrari – $277,7 mln;
- Mercedes – $230,8 mln;
- Red Bull – $202,9 mln;
- McLaren – $165,8 mln;
- Aston Martin–$109,3 mln;
- Alpine – $99,9 mln;
- Haas – $91,5 mln;
- Racing Bulls – $82 mln;
- Williams – $77,2 mln;
- Kick-Sauber – $63,1 mln.
Formula-1-iň öz ýyllyk girdejisi geçen ýyl bilen deňeşdirilende 14% ýokarlanyp, 3,87 milliard dollar boldy. Ýaryşyň metbugat gullugy ösüşiň 1,38 milliard dollar bilen rekord dördünji çärýegi üpjün edendigini habar berdi. Bu, 2024-nji ýyldakydan ($1,13 mlrd) 22% köpdür.
Şunlukda umumy işjeňlik girdeji 28% — 492 million dollardan 632 million dollara çenli ýokarlandy. Myhmanhanaçylyk we ygtyýarlandyrmak hyzmatlaryny goşmak bilen beýleki girdejiler hem 20% artyp, 787 million dollara ýetdi.
Ýaryşlara gatnaşyjylaryň sany hem köpeldi. Olar 4% artyp, 6,75 million adam boldy. Göni ýaýlymdaky tomaşaçylarynyň sany bolsa 2024-nji ýyl bilen deňeşdirilende 21% ýokarlandy.
