Geçen ýyl wezipesinden giden Ysraýylyň ozalky Premýer-ministri Binýamin Netanýahu Knessetiň saýlawlarynda ýeňiş gazandy. Onuň ýolbaşçylygyndaky «Likud» partiýasy ýurduň parlamentinde sesleriň esasy köplügini gazandy.
Ysraýylda 1-nji noýabrda ýurduň parlamentine saýlawlar geçirilip, oňa gatnaşanlaryň sany 71,3 göterime deň boldy. Ol 2015-nji ýyldan bäri iň ýokary görkezijidir. Saýlawlaryň netijeleri 3-nji noýabrda mälim edildi: “Binýamin Netanýahy we onuň partiýasy «Likud» 23,41 göterim ses alyp, ýeňiş gazandy” diýip, Ysraýylyň Merkezi saýlaw topary habar berdi.
«Likud» Knessetdäki 120 ýerden 30-syny gazandy. “Saýlawlarda bary-ýogy 17,78 göterim ses alan ýurduň häzirki Premýer-ministri Ýair Lapid eýýäm Netanýahuny gazanan ýeňşi bilen gutlady” diýip, Ysraýylyň “Ga-Ares” gazeti ýazýar.
