"Mançester Sitiniň" we Norwegiýanyň ýygyndysynyň hüjümçisi Erling Holand dünýäniň iň gymmat futbolçysy boldy diýip, Transfermarkt portaly habar berýär.
22 ýaşly norwegiýaly türgeniň bahasy 150 million ýewro bolanlygyndan 170 million ýewro çenli galdy, munuň özi oňa "Pari Sen-Žermeniň" we Fransiýanyň ýygyndysynyň hüjümçisi, şu wagta çenli dünýäniň iň gymmat oýunçysy hasaplanan we 160 million ýewrolyk diýip baha kesilen Kilian Mbappeden öňe geçmäge mümkinçilik berdi.
Üstümizdäki ýylyň iýulynda Holand Dortmundyň "Borussiýasyndan" "Mançester Sitä" geçipdi. Häzirki möwsümde norwegiýaly türgen ähli turnirleriň 16 oýnuna gatnaşdy we 22 gezek gol saldy hem-de üç gezek netijeli pas berdi.
