«Call of Duty: Modern Warfare II» wideooýnunyň söwdasy 28-nji oktýabrda geçen relizden soň üç günüň içinde 800 mln dollara barabar boldy, şeýle netije bu seriýanyň oýunlarynyň taryhynda iň gowy debýut hasaplanýar diýip, Activision Blizzard Inc. işläp taýýarlaýjysynyň habarynda aýdylýar.
«Call of Duty» seriýasynyň birinji oýny 2003-nji ýylda peýda boldy. Oýun PlayStation, Xbox we PK bilen birlikde, ähli esasy platformalara çykýar.
Microsoft Corp.-yň 69 mlrd dollara satyn alýan Activision paýnamalary sişenbe güni geçen deslapky söwdalaşyklaryň dowamynda gymmatlap başlady.
Microsoft bilen geleşigiň ýapylyşy 2023-nji ýylyň 30-njy iýunynda bolar diýip garaşylýar. Activision Diablo we World of Warcraft ýaly meşhur oýun seriýalaryny, şeýle-de mobil gurluşlar üçin Candy Crush-y çykarýar.
