«Forbes» amerikan žurnaly iň köp girdeji gazanýan merhum meşhur adamlaryň ýyllyk reýtingini hödürledi. Sanawda birinji orny “Ýüzükleriň hökümdarynyň” awtory Jon Tolkin eýeledi. Bu barada gazeta.ru habar berýär.
Hünärmenler ýazyjynyň ýyllyk girdejisini 500 mln dollar diýip bahalandyrdylar. Şu ýyl Tolkiniň döredijiliginiň käbir elementlerini ulanmaga hukugy bolan Middle-Earth Enterprisese kompaniýasynyň satuwy hem amala aşyryldy.
“Forbes-iň” sanawynda ikinji orunda amerikaly basketbolçy Kobi Braýant (1978-2020) ýerleşdi. Ol beýlekiler bir hatarda BodyArmor firmasyndaky paýynyň satylmagyndan bir ýylda 400 mln dollar gazandy. Üçünji orny baýlygy bir ýylda 250 mln dollar artan britaniýaly sazanda we aktýor Dewid Boui (1947-2016) eýeledi.
Şeýle-de, sanawa amerikaly sazandalar, ýagny bir ýylda 110 mln dollar “baýan” Elwis Presli (1935-1977), 100 mln dollar bilen Jeýms Braun (1933-2006) we 75 mln dollar bilen Maýkl Jekson (1958-2009) girdi. Kanadaly şahyr, ýazyjy we aýdymçy Leonard Koen (1934-2016) bir ýylda 55 mln dollar aldy, amerikaly çagalar ýazyjysy Teodor Sýuzyň (1904-1991) mirasy oňa bir ýylda 32 mln dollar getirdi.
Belläp geçsek, “Forbes” satuwdan, striming platformalarynda diňlemelerden, ygtyýarnama şertnamalarynyň baglaşylmagyndan gazanylan girdejileri göz öňünde tutýar.
