Twitter sosial torunyň şärikli esaslandyryjysy Jek Dorsi (Jack Dorsey) ýakynda täze taslamany işe goýberer. HBS-iň maglumatyna görä, ol Bluesky Social atly täze tory goýbermekçi bolýar.
Häzirki wagtda täze sosial toruň esasy aýratynlygynyň oňa beýleki torlardan akkauntlary geçirmegiň mümkindigi mälimdir. Şeýle-de täze sosial torda bir goşundyny ulanyp, dürli platformalaryň arasynda maglumatlary geçirmegiň mümkin boljakdygyny söz berýärler. Goşundynyň özüni entek ýapyk düzgünde synagdan geçirýärler, emma basym ony köpçülige elýeter ederler.
Şunuň ýaly sosial toruň nähili işlejekdigine häzirlikçe düşünmek kyn, şeýle goşundynyň köpçülik üçin wersiýasynyň çykjak möhleti heniz mälim edilenok. Şunlukda, Dorsi geljekki sosial toruň islendik başga biri bilen bäsleşige ukyplydygyny aýtsa-da, olaryň hut nämede bäsleşip biljekdiklerini düşündirmeýär.
