“Türkmenhimiýa” döwlet konserni Özbegistan Respublikasynyň “Navoiy Milling” jogapkärçiligi çäkli jemgyýeti bilen fosforit ununy satyn almak barada şertnamany baglaşar. Bu baradaky degişli Kararyň taslamasy 28-nji oktýabrda geçirilen Hökümet mejlisinde Prezident Serdar Berdimuhamedowyň garamagyna hödürlenildi.
Döwlet Baştutany mejlisde ýurdumyzyň obasenagat toplumyny mineral dökünler bilen ýeterlik möçberde üpjün etmegiň hem-de himiýa önümçilikleriniň netijeli işlemegi üçin ähli şertleri döretmegiň wajypdygyna ünsi çekip, degişli Karara gol çekdi we resminamany sanly ulgam arkaly iberip, wise-premýere birnäçe anyk tabşyryklary berdi.
