Motorola kompaniýasy Ýewropada çeýe ekranly Razr 22 smartfony bilen tanyşdyrdy. Ol 2000-nji ýyllaryň hataryndaky adybir telefon-«raskladuşka» täze jogapdyr. Bu barada Gizmochina neşiri habar berýär.
Täze smartfon keseligine eplenýän, FHD+ razreşeniýeli we 144 Gs täzeleniş tizlikli 6,7 dýumlyk esasy P-OLED-ekrana, şeýle-de korpusyň daş tarapynda ýerleşýän diagonaly 2,7 dýum bolan goşmaça OLED displeýe eýe boldy. Gapagynyň ýagdaýynyň üýtgeýşine aýratyn Flex View şarnir jogap berýär. Ol ekran dürli burçlar boýunça eplenende, ony fiksirlemäge mümkinçilik berýär.
Razr 22-niň öndürijiligine 8 ýadroly Snapdragon 8 Plus Gen 1 prosessory, şeýle-de 8 GB-lyk operatiw ýat jogap berýär. Ulanyjylara maglumatlaryny saklamak üçin göwrümi 256 GB bolan toplaýjy göz öňünde tutulan. Razr 22 MyUX firma daş görnüşli Android 12 bilen işleýär.
Täze smartfon kuwwaty 30 Wt bolan TurboPower tipli blok pitaniýa bilen zarýad berilýän 3500 mAç-lyk akkumulýator bilen enjamlaşdyrylan.
Agzalan smartfon 1199 ýewro bahadan eýýäm Ýewropada satuwa çykdy. Razr 22 diňe Satin Black reňkde çykýar.
