2022-nji ýylyň üçünji çärýeginde Günorta Koreýanyň Hyundai Motor Co. awtoöndürijisi arassa girdejisini ýyllyk hasabynda 5,1% - 1,411 trln wona çenli ($987,3 mln) azaltdy. Bu barada kompaniýa salgylanyp, Interfax.ru habar berýär.
Analitikler ortaça 2,403 trln wona bolmagyny çaklapdylar. Iýul – sentýabr aýlarynda kompaniýanyň operasion girdejisi 3,4% azalyp, 1,552 trln wona barabar boldy. Girdejiniň azalmagy, esasan, näsazlygy bolan hereketlendirijileri yzyna gaýtarmak üçin edilen çykdajylar bilen baglanyşyklydyr.
Şol bir wagtyň özünde girdeji 30,6% ýokarlanyp, 37,705 trln wona ýetdi.
Geçen çärýek Hyundai-yň satuwy 14% - 1,02 mln awtomobile çenli ýokarlandy. Muňa garamazdan, kompaniýa 2022-nji ýyl üçin satuw çaklamasyny öň meýilleşdirilen 4,32 mln awtomobilden 4,01 mln awtomobile çenli peseltdi. Eger garaşylanlar ýerine ýetirilse, görkeziji 2021-nji ýylyň netijesinden (3,89 mln awtomobil) 3,1% ýokary bolar.
Şol bir wagtyň özünde, awtoöndüriji girdejiniň ösüşi baradaky çaklamasyny öň garaşylan 13-14%-den 19-20%-e çenli ýokarlandyrdy. Bu milli walýutanyň hümmetiniň peselmegi bilen baglanyşyklydyr, çünki bu Hyundai awtomobillerini daşary ýurtly alyjylar üçin has özüne çekiji edýär. Kompaniýanyň satuwynyň tas 60%-i eksportyň paýyna düşýär.
2022-nji ýylyň başyndan bäri kompaniýanyň kapitallaşdyrmasy 22,7% (38,3 trln wona çenli) pese gaçdy.
