Beýik Britaniýanyň öňki Maliýe ministri Rişi Sunak dolandyryjy Konserwatiw partiýanyň lideri wezipesi üçin göreşde ýeňiş gazandy we premýer-ministr bolar. Bu barada partiýanyň liderini saýlamagyň tertibini kesgitleýän parlament Komiteti 1922-niň ýolbaşçysy Grem Breýdi habar berdi diýip, TASS belleýär.
“Biz talaplara laýyk gelýän bir nominasiýany kabul etdik. Şeýlelik bilen, Rişi Sunak Konserwatiw partiýanyň lideri saýlandy” – diýip, Breýdi aýtdy.
Sunagyň içerki partiýa göreşinde ýeňiş gazanandygy britan parlamentiniň Jemgyýet palatasynyň lideri Penni Mordont duşenbe güni Konserwatiw partiýanyň lideri we Birleşen Korollygyň premýer-ministri wezipelerine dalaş etmegi bes edýändigini mälim edenden soň belli boldy. Bu barada syýasatçy Twitterde habar berdi.
Şeýlelik bilen, gysga saýlaw kampaniýasynyň ýeňijisi ýeke-täk galan dalaşgär – 42 ýaşly öňki Maliýe ministri Rişi Sunak boldy. Konserwatorlaryň häkimiýet başyndadygyny göz öňünde tutsaň, ýakyn günlerde, ähtimal, sişenbe güni ol britan taryhynda premýer-ministr wezipesini eýelän ilkinji etnik hindi bolmak bilen hökümet başyna geçer.
