Beýik Britaniýanyň öňki maliýe ministri Rişi Sunak Liz Trassyň ýerine, Konserwatorlar partiýasynyň baştutanynyň we Birleşen Patyşalygyň premýer-ministriniň wezipesine geçmek üçin göreşe goşuldy. Bu barada 42 ýaşly syýasatçy ýekşenbe güni Twittere habar berdi.
"Beýik Britaniýa - beýik ýurt, ýöne biz häzir çuňňur ykdysady çökgünligi başdan geçirýäs. Hut şonuň üçinem men öz kandidaturamy Konserwatiw partiýanyň baştutanlygyna we siziň geljekki premýer-ministriňiz bolmaklyga hödürleýärin. Men ykdysadyýetimizdäki meseleleri çözmek, partiýamyzy birleşdirmek we ýurdumyza gulluk etmek isleýärin" - diýip, Sunak ýazýar.
Britan parlamentiniň jemgyýet palatasynyň baştutany Penni Mordont onuň bäsdeşi bolar.
