Awstriýaly işewür, "Red Bull" energiýa beriji içgilerini öndürýän kompaniýany esaslandyryjy we "Formula-1" ulaglarynyň toparyndaky awtoýaryşlar boýunça dünýä çempionatynyň adybir toparynyň eýesi Ditrih Mateşis 79 ýaşynyň içinde dünýäden ötdi. Bu barada ýekşenbe güni kompaniýanyň beýannamasyna salgylanýan Sky News teleýaýlymy habar berdi.
Soňky bir ýarym ýylyň içinde Mateşis agyr keselländigi sebäpli köpçüligiň arasyna çykmady, birnäçe hepde mundan öň bolsa onuň saglyk ýagdaýy hasam ýaramazlaşdy.
2010-2013-nji ýyllarda "Red Bull" topary Konstruktorlaryň kubogyny utup geldi. Şol ýyllarda nemes türgeni Sebastýan Fettel dünýä çempionatynyň şahsy hasabynda birsyhly utup geldi. 2021-nji we 2022-nji ýyllarda "Red Bull"-yň niderlandly sürüjisi Maks Werstappen "Formula-1"-iň çempiony boldy.
2005-nji ýylyň aprelinde Mateşis Awstriýanyň "Zalsburg" futbol klubyny satyn alypdy. 2009-njy ýylda Leýpsigden Germaniýanyň "Red Bull" klubuny (häzirki "Leýpsig") esaslandyrypdy.
