Italiýanyň täze hökümeti "Italiýanyň doganlary" partiýasynyň lideri Jorja Meloniniň başda durmagynda şenbe güni prezident Serjo Mattarellyň gatnaşmagynda kasam etdirildi. Dabaraly däp şenbe güni prezidentiň Kwirinal köşgünden RaiNews teleýaýlymyna göni efirinde berildi.
45 ýaşly Meloni Italiýada ilkinji zenan premýer boldy. Dabara onuň ýedi ýaşly gyzy Jinewra gatnaşdy.
Häzirki kabinet 25-nji sentýabrda geçen parlament saýlawlarynda ýeňiş gazanan sagmerkezçi koalisiýadan bolan "Italiýanyň doganlary", Liga we "Öňe, Italiýa" partiýalarynyň wekillerinden ybarat. Onda jemi 24 ministr wezipesi bar (dokuz ministr portfelsiz), olaryň altysyny aýallar eýeleýär.
23-nji oktýabr güni irden Mario Dragiden Ministrler geňeşiniň täze başlygy Jorja Melonä ygtyýarlyklaryň geçiriliş dabarasy bolar. Şondan soň Ministrler geňeşiniň birinji mejlisi geçer.
