2022-nji ýylyň üçünji çärýeginiň jemi boýunça smartfonlaryň global üpjünçiligi 9% pese gaçdy. Bu görkeziji soňky sekiz ýylda iň pes görkeziji bolup, ýurtlaryň köpüsinde ilatyň satyn alyjylyk ukybynyň pesligi bilen şertlendirildi. Bu barada Canalys kompaniýasynyň maglumatlaryna salgylanyp, Bloomberg habar berýär. Muny gazeta.ru ýetirýär.
Bu tendensiýa birnäçe faktor täsir etdi. Olaryň arasyndan hakyky girdejileriň peselmegini, Hytaýdaky lokdaunlary, raýatlary dürli tebigy baýlyklara we elektrik energiýasyna köp pul sarp etmäge mejbur eden energetika çökgünliginiň güýçlenmegini bellemek bolar.
“Xiaomi Corp., Vivo we Oppo ýaly hytaýly oýunçylar şu ýyl iki sanly pese gaçyşy hasaba aldylar. Diňe Apple-den iPhone bazarda durnuklylygy görkezmegi dowam etdirýär. Soňky üç aýda Apple global smartfon bazaryndaky paýyny 18%-e çenli artdyrdy” – diýlip, makalada bellenilýär.
Bazaryň lideri Samsung kompaniýasy bolmagynda galýar. Ol global satuwyň 22%-ini emele getirýär.
