Kuweýtiň emiri Nawaf al-Ahmed al-Jaber as-Sabah täze hökümeti düzmek barada perman çykardy. Bu barada döwlet Kuweýt habarlar agentligi habar berýär.
Permanyň mazmunyna laýyklykda, şeýh Salem Abdalla al-Jaber as-Sabah Daşary işler ministrliginiň baştutany bellendi, Bader Hamad Ýusef al-Mulla bolsa nebit ministriniň wezipesini eýeledi. Bu iki dalaşgärlik owal premýer-ministr Ahmed nawaf al-Ahmed as-Sabah tarapyndan teklip edilen hökümet taslamasynda tassyklanmandy. Perman gol çekilen gününden başlap güýje girýär.
Premýeriň teklip edişi ýaly, Goranmak ministriniň wezipesine şeýh Abdalla as-Salem as-Sabah, Söwda we senagat, sosial işler we sosial ösüş ministriniň wezipesine Mazen al-Nahed bellendi.
Täze kabinetde birinji wise-premýer we içeri işler ministri Talýal Haled al-Ahmed as-Sabah, habarlar we medeniýet ministri, ýaşlar bilen işlemek boýunça döwlet ministri Abdel Rahman Badah al-Mutairi, maliýe ministri we ykdysady işler hem-de inwestisiýalar boýunça döwlet ministri Abdel Wahab Muhammed ar-Ruşaid öz wezipelerini saklap galdylar.
