Nýu-Meksiko ştatyndaky taşlanan şahtadan tapylan, 1880-nji ýylda öndürilen bir jübüt Levi jinsisi auksionda 87 400 dollara satyldy. Bu barada CNN teleýaýlymy habar berýär.
Jinsini «jinsi arheologlary» tapdylar. 23 ýaşly Kaýl Hanter we wintaž jinsi geýimleriniň söwdasynyň weterany Zil Stiwenson jinsileriň täze eýeleri boldular.
Bir jübüt jinsiniň bahasy rekord boldy. Auksioneriň sözlerine görä, jinsiler geýmäge ýaramly hasaplanýar.
Levi's firmasynyň jinsileri XIX asyryň amerikan şahtaçylarynyň we dag-magdan senagatynyň işçileriniň arasynda ýoň bolupdyr. Kompaniýa 1853-nji ýylda esaslandyrylypdyr. Firmany esaslandyryjy Lewaý Strauss taýyn balaklary we beýleki harytlary altyn gözleýjileriň lagerlerine we golaý-goltumdaky şäherçelere eltip, paýlaşdyrar eken.
