The Hollywood Reporter neşiriniň berýän maglumatyna görä, «Dýuna»-nyň ikinji bölümini döredijiler filmiň çykjak wagtyny üýtgetmegi karar etdiler — indi ol iki hepde öň çykar. Başda meýilleşdirilişi ýaly, 17-nji noýabrda däl-de, noýabryň 3-ne çykar.
Ilki, 3-nji noýabrda Marvel Studios-yň «Bleýd»-i çykmalydy, ýöne filmiň görkezilişiniň 2024-nji ýylyň 6-njy sentýabryna geçirilýändigi mälim boldy. Filmiň, režissýorynyň ýoklugyndan we ssenariýasynyň ýaramazlygyndan başlap, birtopar meselesi bar.
Filmiň sýužeti Pol Atreýdese we onuň ýerli ilatyň arasynda tanymal adama öwrülişine bagyşlanýar. Gahryman hemmäniň sylagly adamy bolmaly. Onuň keşbini Timoti Şalame ýerine ýetirýär. Onuň bilen birlikde birinji bölümiň aktýorlarynyň hemmesi filme dolanyp gelýär, täze gelenlerden Florens Pýu bilen Ostin Batleriň atlaryny agzamak bolar — olar degişlilikde şa gyzy Irulan Korrinonyň we Feýd-Rauta Harkonnenyň keşplerinde oýnaýarlar.
Birinji «Dýuna» 2021-nji ýylda çykdy we tankytçylardanam, tomaşaçylardanam oňyn seslenme aldy. Ýogsa-da, Marvel «Bleýd»-denem başga, beýleki filmlerini hem soňa goýdy.
