Iki agyrlyk kategoriýasynda UFC-iň eks-çempiony, irlandiýaly pälwan Konor Makgregor ýeňil agramda (70 kg-a çenli) UFC titulyna öňki dalaşgär, amerikaly türgen Jastin Getji bilen güýç synanyşyp biler diýip, MMA Pack öz sosial torunda habar berýär.
Owal Makgregor indiki tutluşygyny ýarym orta agramda geçirjekdigini yglan edipdi, Getji bolsa irlandiýaly türgeniň bäsdeşi bolup çykyş etmäge esasy dalaşgär hasaplanýar.
Makgregor 2021-nji ýylyň tomsunda geçen UFC 264-iň garyşyk başa-baş göreş boýunça turnirinde aýagy döwlüp, ABŞ-yň wekili Dastin Porýeden utulany bäri tutluşyga çykmandy.
Getji bolsa özüniň 2022-nji ýylyň 7-nji maýyndaky soňky göreşinde Çarlz Oliweýradan ýeňlipdi. Ozal amerikaly türgen 2022-nji ýylyň ahryna çenli göreşe çykmajakdygyny mälim edipdi.
