Nýu-Ýork ABŞ-nyň ýaşaýyş üçin iň gymmat şäherleriniň reýtinginde bäşinji orny eýeledi

  • 05.10.2022 10:30
  • 12k+

Kaliforniýanyň birbada bäş şäheri Birleşen Ştatlaryň ýaşaýyş üçin iň gymmat ýerleriniň onlugyna girdi, olardan ikisi – San-Hose bilen San-Fransisko hatda reýtingde Waşingtondan we Nýu-Ýorkdan öňe geçdi. Muny Doxo kompaniýasynyň ABŞ-nyň Ilat ýazuwy býurosynyň maglumatlarynyň seljermesine esaslanýan gözlegi görkezdi diýip, Interfax.ru habar berýär.

Gözlegde hökmany aýlyk tölegler – ipoteka, jaý kärendesi, kommunal tölegler, awtokarzlar boýunça tölegler, aragatnaşyk hyzmatlary we ätiýaçlandyryş üçin tölegler göz öňünde tutuldy.
San-Hosedäki öý hojalyklary bu zerurlyklar üçin her aý $3151 töleýär – bu aýda $1889 ýa-da ýylda $22 668 bolan ýurt boýunça ortaça görkezijiden 66,8% ýokarydyr.
San-Fransisko reýtingde ikinji orny, Waşington bolsa $2767 görkeziji bilen üçünji orny eýeledi. Nýu-Ýork dördünji orna Los-Anjelesi geçirip, bäşinji orunda ýerleşdi ($2674). Iň gymmat amerikan şäherleriniň onlugyna San-Diego, Boston, Sietl, Riwersaýd we Denwer hem girdi.
Şol bir wagtyň özünde, ABŞ-da iň uly 50 şäherden iň amatlysy Baffalo boldy – bu şäheriň ýaşaýjylarynyň aýlyk tölegleri ortaça $1603 bolup, bu ýurt boýunça ortaça görkezijiden 15,1% pesdir.
Ikinji orny Pittsburg (aýda $1689), üçünji orny Kliwlend ($1709) eýeledi.
Gözlegiň netijelerine görä, ýaşaýyş üçin iň amatly şäherler ABŞ-nyň günortasynda we Orta Günbatarynda ýerleşýär.


23.10.2025 18:09
17k+

Nýu-Ýorkda “millionerleriň köçesinde” 102 gatly bina ýumrulyp başlady

Ýakynda Nýu-Ýorkdaky Park-awenýuda gurlan 102 gatly ýaşaýyş jaýy ýumrulmak howpunyň astynda düşdi. The New York Times-yň maglumatlaryna görä, munuň güman edilýän sebäbi gurluşykda ulanylan betonyň düzüminiň üýtgedilmegi boldy...

14.10.2025 20:31
4.6k+

Amazon MGM Studios Melaniýa Tramp hakynda film taýýarlaýar

Amazon MGM Studios ABŞ-nyň birinji hanymy Melaniýa Tramp hakynda dokumental film taýýarlaýar diýip, Variety habar berýär. Filmiň çykjak senesi 2026-njy ýylyň 30-njy ýanwaryna meýilleşdirilýär. Filme “Dykyn wagty” («Час пик») atly gülküli boýewik bilen tanalýan režissýor Brett Ratner ýolbaşçylyk eder...

14.10.2025 13:11
8.3k+

Tehasda awtomobil ululygynda NASA-nyň enjamy gondy

Tehas amerikan ştatynda meýdana awtomobil ululygynda NASA-nyň abzally kosmos enjamy gondy. Ýerli ýaşaýjy Enn Uolter, takmynan, 10 metr diametrli paraşýutda ýuwaşlyk bilen aşak düşýän obýekti gördi diýip, ABC News habar berýär...

29.09.2025 14:43
8.5k+

«Ofis» teleserialynyň ýyldyzlary «Kim millioner bolmak isleýär?» gepleşiginde 1 mln dollar utdular

Meşhur «Ofis» sitkomynyň aktýorlary Keýt Flenneri we Oskar Nunýes «Kim millioner bolmak isleýär?» amerikan telegepleşiginde baş baýragy, ýagny 1 million dollar gazandylar. Olar bu puly haýyr-sahawat gaznalaryna ugratmagy meýilleşdirýärler...