Kuweýtiň emiri Nawaf al-Ahmed al-Jaber as-Sabah ýurduň premýer-ministri Ahmed Nawaf al-Ahmed as-Sabahyň we onuň hökümetiniň işinden aýrylmagyny kabul etdi. Bu barada KUNA habarlar agentligi habar berýär diýip, TASS belleýär.
Emiriň permanyna görä, Kuweýtiň premýer-ministri we hökümeti täze Ministrler Kabineti düzülýänçä, öz borçlaryny ýerine ýetirmegi dowam etdirer.
Mundan öň işinden aýrylmagy Kuweýtiň mirasdüşer şazadasy Maşaal al-Ahmed as-Sabah makullady. Ol munuň bilen bagly hökümet baştutany bilen duşuşyk geçirdi. Işden aýrylmak baradaky arza Ministrler Kabineti tarapyndan şenbe güni berildi.
29-njy sentýabrda Kuweýtde Milli mejlise (parlament) saýlawlar üçin ses berişlik geçirildi. Saýlanan 50 deputat geljek dört ýyl üçin kanun çykaryjy edarada wezipeleri eýelär.
Kuweýtde 21 ýaşyna ýeten raýatlaryň saýlaw hukugy bardyr. Ses bermäge 800 müň töweregi adam gatnaşyp biler. Milli mejlis ählumumy göni ses bermegiň netijesinde saýlanýan 50 deputatdan ybarat bir palataly parlamentdir. Soňky saýlawlar 2020-nji ýylyň 5-nji dekabrynda geçirildi.
