2022-nji ýylyň awgust aýynda Günorta Koreýada ýarym geçirijileriň önümçiligi 2018-nji ýylyň ýanwaryndan bäri ilkinji gezek azaldy.
Awgust aýynda ýurtda ýarym geçirijileriň önümçilik möçberi ýyllyk aňlatmasynda 1,7% azaldy diýip, ýurduň statistika agentligi habar berdi. Muny interfax.ru ýetirýär. Iýul aýynda ýarym geçirijileriň önümçiligi 17,3% ýokarlandy.
Awgust aýynda zawodlarda ýarym geçiriji önümleriň ätiýaçlyklary 1,5 esseden gowrak (67,3%) köpeldi, bu hem öndürijileriň makroykdysady çaklamanyň ýaramazlaşmagyna taýýarlyk görýändigine delil bolup biler diýip, statistika edarasy belleýär.
Zawodlardan önümleriň iberilişi bassyr ikinji aýyň jemi boýunça pese gaçdy – 20,4%.
Ýarym geçirijileriň pudagy ykdysadyýeti köp babatda daşary söwda garaşly bolan Günorta Koreýada iň uly senagat pudaklarynyň biri hasaplanýar. Soňky wagtlar ýurtdaky öndürijiler çig mal üçin bahalaryň ýokarlanmagy we milli walýutanyň güýçli pese gaçyşy ýaly birnäçe meseleler bilen ýüzbe-ýüz boldular.
Öň, dünýäde iň uly çip öndürijileriniň biri bolan Samsung Electronics Co. şu ýylyň ikinji ýarymynda bazardaky ýagdaýyň ýaramazlaşjakdygyny duýdurdy we onuň indiki ýyl hem gowlaşyp başlamajakdgyny çaklady.
