Futbol boýunça dünýä çempionatyny görmäge Katara gitjekler ýurda girjek bolanlarynda COVID-19 üçin otrisatel testlerini görkezmeli bolarlar diýip, çäräniň guramaçylary mälim etdiler. Bu barada ABC News habar berýär.
PZR-testler ýurda gelinmeziniň öňüsyrasy 48 sagadyň içinde, ekspress-testler bolsa bir gije-gündiziň dowamynda edilen bolmaly.
Çempionatyň 18 ýaşly we ondan uly ähli myhmanlary özlerine Ehteraz resmi mobil goşundysyny ýüklemeli bolarlar, şol goşundy olaryň saglyk ýagdaýyny we hereketini gözegçilikde saklar. Binanyň içine diňe kimiň goşundysy «koronawirus ýokuşmadyk» diýen derejäni görkezse, şony goýbererler.
32 toparyň futbolçylary we işgärleri her iki günden bir gezek antigenler üçin ekspress-test tabşyrarlar.
Katara girende COVID-19 üçin hökmany test tabşyrmak 4-nji sentýabrdan başlap ähli syýahatçylara degişli edildi.
Toparlaýyn tapgyryň birinji oýny 20-nji noýabrda geçer. Katar öz taryhynda ilkinji gezek futbol boýunça dünýä çempionatyny kabul edýär. Ondan hem başga, bu öňde-soňda arap dünýäsinde geçirilýän ilkinji dünýä çempionatydyr.
