«Goal» neşiri 2022-nji ýylda Katarda geçiriljek futbol boýunça dünýä çempionatynda ýeňiş gazanmaga mümkinçiligi ýokary bolan toparlaryň sanawyny neşir etdi. Muny Day.Az ýetirýär.
Birinji orunda Braziliýanyň milli ýygyndysy ýerleşdi. Ikinji orun häzirki dünýä çempiony bolan fransuzlara berildi, üçünji orny bolsa soňky gezek dünýä çempionatynyň finalyna 2014-nji ýylda çykan Argentina eýeledi.
Şeýle-de, onlukda Ispaniýanyň, Germaniýanyň, Angliýanyň, Niderlandlaryň, Belgiýanyň, Daniýanyň we Portugaliýanyň toparlary bar.
Dünýä birinjiliginiň kubogyny almaga Saud Arabystanynyň, Awstraliýanyň we Tunisiň mümkinçiligi has az.
Dünýä çempionaty 20-nji noýabrdan 18-nji dekabr aralygynda geçiriler.
