Türkmenistanyň Prezidenti Serdar Berdimuhamedow Russiýa Federasiýasynyň Ižewsk şäherinde bolup geçen pajygaly ýagdaý zerarly Prezident Wladimir Putine gynanç bildirdi. Bu barada «Watan» habarlar gepleşiginde habar berildi.
Gynanç hatynda Prezident Serdar Berdimuhamedow pida bolanlaryň dogan-garyndaşlaryna Türkmenistanyň halkynyň adyndan hem hut öz adyndan çuňňur gynanjyny bildirip, şikes alanlaryň tiz wagtda sagalmagyny arzuw etdi.
Belläp geçsek, 26-njy sentýabrda irden RF-niň Ižewsk şäherindäki 88-nji mekdepde ýaragdan ot açyldy, netijede 17 adam, şol sanda 11 sany çaga aradan çykdy.
29-njy sentýabrda çenli Udmurtiýa welaýatynda pida bolanlaryň hatyrasyna matam yglan edildi.
