WBC-niň wersiýasyna görä super agyr agramda boks boýunça dünýä çempiony Taýson Fýuri Entoni Joşua bilen söweşiň ýatyrylýandygyny aýtdy. Munuň sebäbi garşydaşyň degişli şertnama wagtynda gol çekmändigi boldy diýip, MIR24 habar berýär.
Fýuri 32 ýaşly Joşua gol çekmek üçin 26-njy sentýabrda sagat 17:00-a çenli wagt berdi. Möhlet tamamlanansoň we şertnama gol çekilmänsoň, Taýson “hasaplaşmaly günüň gelendigini we tamamlanandygyny”, Joşua üçin bolsa “ähli zadyň resmi taýdan gutarandygyny” aýtdy.
Agyr agramlylaryň arasynda çempion watandaşyny sentýabr aýynyň başynda söweşe çagyrdy. Söweş dekabr aýynda geçirilmelidi.
34 ýaşly Fýuriniň hasabynda 32 ýeňiş we bir deňme-deňlik bar, 32 ýaşly Joşuanyň hasabynda bolsa 24 ýeňiş we üç ýeňliş bar. Ol iki gezek ukrainaly Aleksandr Usikden ýeňildi.
Ýatlap geçsek, aprel aýynda britaniýaly boksçy Taýson Fýuri watandaşy Dillian Uaýty ýeňip, Bütindünýä boks geňeşiniň wersiýasyna görä dünýä çempionynyň guşagyny ikinji gezek gorady we şondan soň karýerasyny tamamlaýandygyny aýtdy. Ýöne awgust aýynda ol ringe dolanmak kararyna gelendigini mälim etdi.
