Amerikaly aktýor Bred Pitt deriňe ideg etmek üçin hususy gender taýdan bitarap Le Domaine kosmetika brendini işe girizýär. Bu barada ol British Vogue neşirine beren interwýusynda aýtdy diýip, forbes.ru habar berýär.
Aktýoryň bellemegine görä, kosmetika hatary Fransiýanyň Rona jülgesiniň günorta böleginde ýerleşen we Perren çakyr öndüriji dinastiýasyna degişli bolan Chateau Beaucastel çakyr öndürijisi bilen hyzmatdaşlykda döredilýär. Pitt Le Domaina brendiniň serişdeleriniň aglabasynyň Chateau Beaucastel-da ösdürilip ýetişdirilýän üzümiň şäniklerinden, gabygyndan we çybygyndan alynýan ekstraktlara esaslanýandygyny aýdýar. Önüm flakonlary üçin gapak taýýarlamak üçin bolsa köne çakyr çelekleri ulanylýar.
Neşir bilen söhbetdeşlikde Bred Pitt Le Domaine brendiniň “ýüzi” bolup çykyş etmejekdigini aýtdy. Ol meşhur adamlar tarapyndan döredilen we goldanýan kosmetika hatarlarynyň aşa köpdügini belledi. Ýöne, aktýoryň aýtmagyna görä, ol üzüm esasly serişdeleri ulananyňdan soň deridäki wizual tapawutlary görmedik bolsa, bu brendi işe girizmezdi.
