Geljek ýedi ýylda 278,9 milliard manatdan gowrak maýa goýumlary özleşdirilip, ýurdumyzyň önümçilik kuwwaty has-da pugtalandyrylar. Bu barada Prezident Serdar Berdimuhamedow 23-nji sentýabrda geçirilen Türkmenistanyň Döwlet Maslahatyndaky maksatnamalaýyn çykyşynda aýratyn durup geçdi.
«Bu döwürde zähmet haklarynyň möçberlerini 1,8 esse artdyrarys. Ykdysadyýetimiziň ähli pudaklarynda 30 müňe golaý goşmaça iş orunlaryny dörederis. Adam başyna düşýän ýaşaýyş jaýlarynyň umumy meýdanyny 102,2% artdyrarys. Mekdebe çenli çagalar edaralarynyň 40-syny, orta mekdepleriň 54-sini, täze 4 sany ýokary hünär bilim edarasyny, 10 sany döwrebap hassahanany, 7 sany medeniýet öýüni, şol sanda 500-den gowrak täze önümçilik we durmuş maksatly binalary we desgalary gurarys» - diýip türkmen Lideri belledi.
