Toyota konserni köpçülikleýin talap arzasynyň awtorlary bilen parahatçylykly ylalaşygy gazandy. Talap arzasy ABŞ-da Toyota we Lexus awtoulaglarynyň iň uly yzyna çagyrylyşlarynyň biri sebäpli berlipdi.
Reýter agentliginiň ýazmagyna görä, ylalaşyk konserne takmynan 150 million dollara düşer, sebäbi çagyryş kampaniýasy diňe ABŞ-yň özünde 3,36 million awtoulagy öz içine alýar.
Serwis kampaniýasyna baryp 2020-nji ýylda başlapdylar. Ol Toyota-nyň we Lexus-yň birgiden modellerine oturdylan Denso kysymly gurat däl bolmagy ahmal ýangyç nasoslary bilen baglydy. Belli bir şertlerde awtoulaglaryň hereketlendirijileri birsydyrgyn işlemän, gerekli kuwwaty artdyryp bilmän, öçüp galyp bilýärdi. Hereket wagty öçen hereketlendiriji awtomatik usulda destiň we tormozlaryň güýçlendirijileriniň öçendigini aňladyp, ýagdaý heläkçilige getirip biljekdi.
Şol sebäpli Toyota 2013-2020 ýyllar aralygynda goýberilen dünýä boýunça 6 million awtoulagy yzyna çagyrmaga mejbur bolýar. Ylalaşygyň şertleri boýunça gurat däl ulaglaryň amerikaly eýeleri üçin ýangyç sorujynyň kepilligi 15 ýyla çenli uzaldylar, abatlaýyş wagty wagtlaýyn öwezine tölegsiz ulag we eger öň ulagyň eýesi näsazlygy öz serişdesiniň hasabyna bejerden bolsa, öňki çykdajysynyň öweztölegini alar.
Eger döwülen «Toyota-nyň» eýesi kireýne ulag almaga mejbur bolan bolsa, konsern, hatda onuň öweztölegini-de tölemäge taýýar.
