Amerikaly režissýor Jeýms Kemeron “Awatar” filminiň dördünji bölüminiň üstünde işläp başlady. Bu barada Comicbook portaly habar berýär diýip, TASS belleýär.
Disney kompaniýasynyň D23 Expo 2022 sergisinde çykyş etmek bilen, Kemeron dördünji bölümiň surata düşürilişi bilen bir hatarda “Awatar-3-üň” surata düşüriliş prosesiniň hem dowam edýändigini, “Awatar-2-niň” bolsa post-prodakşen tapgyryndadygyny habar berdi. Ikinji bölümiň premýerasynyň 2022-nji ýylyň dekabr aýynda bolmagyna garaşylýar, soňky filmler her iki ýyldan çykar.
“Men ikinji filmiň üstündäki işleri tamamlaýandygyma begenýärin. Men hemmeleriň oňa eýýäm uzak wagtdan bäri garaşýandygyny bilýärin” – diýip, režissýor belleýär.
Filmiň birinji bölüminiň premýerasy 2009-njy ýylyň dekabr aýynda boldy. Kartina kinematografyň taryhynda iň girdejilisi bolup, “Iň gowy hudožnik işi”, “Iň gowy operatorlyk işi” we “Iň gowy wizual effektler” nominasiýalarynda “Oskar” baýragyna mynasyp boldy.
