10-njy sentýabrda Prezident Serdar Berdimuhamedow Ahal welaýatynyň täze, döwrebap edara ediş merkezinde geçiren Ministrler Kabinetiniň göçme mejlisinde Ahal welaýatynda gurulýan täze merkez bilen bagly meseleleri çalt çözmek üçin birnäçe Kararlara gol çekdi.
Hususan-da, Serdar Berdimuhamedow
- Ahal welaýatynyň täze, döwrebap edara ediş merkezinde gurulýan ýaşaýyş jaýlarynyň meseleleri hakyndaky;
- Ahal welaýatynyň merkeziniň gurluşygy boýunça döwlet komitetiniň meseleleri hakyndaky;
- Ahal welaýatynyň täze, döwrebap edara ediş merkeziniň şäheriniň häkimliginiň meseleleri hakyndaky Kararlara gol çekdi.
Bu resminamalaryň kabul edilmegi bilen täze welaýat merkezini gurmak işleriniň depginine oňyn täsir eder, şeýle hem şäheriň häkimliginiň işi düzgünleşdiriler.
