Türkmenistanyň Prezidenti Ahalyň täze merkezinde Hökümet mejlisini geçirdi

  • 11.09.2022 15:20
  • 10k+

10-njy sentýabrda Prezident Serdar Berdimuhamedow Ahal welaýatynyň täze, döwrebap edara ediş merkezinde Ministrler Kabinetiniň Başlygynyň orunbasarlarynyň, ministrlikleriň we pudaklaýyn düzümleriň ýolbaşçylarynyň, Ahal welaýatynyň häkiminiň gatnaşmagynda Ministrler Kabinetiniň göçme mejlisini geçirdi. Onuň dowamynda Ahal welaýatynyň täze, döwrebap edara ediş merkeziniň gurluşygy bilen baglanyşykly meseleler ara alnyp maslahatlaşyldy we käbir resminamalaryň taslamalaryna garaldy. 

Mejlisiň barşynda döwlet Baştutany degişli ýolbaşçylara birnäçe anyk tabşyryklary berdi.

  • gurluşyk we binagärlik ministrine binalaryň ýokary hil derejesinde we bellenilen möhletler gurlup, ulanylmaga bermek tabşyryldy;
  • wise-premýer Ç.Purçekowa gurluşyk-gurnama işleriniň hiline, gurluşyk işleri üçin ýerli materiallaryň zerur möçberleriniň üpjün edilişine gözegçiligi güýçlendirmek tabşyryldy;
  • wise-premýer A.Ýazmyradowa merkeziň çäklerinde oturtmak üçin teklip edilýän bag nahallarynyň sanawyny we görnüşlerini kesgitlemek tabşyryldy;
  • wise-premýer N.Amannepesowa saglyk merkezlerinde we bilim edaralarynda  işlejek hünärmenleri ýokary derejede taýýarlamak meselelerine möhüm ähmiýet bermek bellenildi;
  • Ministrler Kabinetiniň ýanyndaky Ulag we kommunikasiýalar agentligiň baş direktory M.Çakyýewe ýüzlenip, merkeziň edaralarynda sanly ulgamlaryň ornaşdyrylmagyna, gurulýan ýaşaýyş jaýlarynda “akylly öý” ulgamynyň işiniň kämilleşdirilmegine, ýeke-täk belgi boýunça degişli gulluklary çagyrmagyň ulgamynyň ýola goýulmagyna möhüm ähmiýet bermegi tabşyrdy. Merkezde elektromobilleri ulanmak, aragatnaşyk ulgamlaryny gurnamak işlerini çaltlandyrmak häzirki döwrüň möhüm talaby bolup durýar.
  • wise-premýer H.Geldimyradowa merkeziň desgalarynyň gurluşygyny maliýeleşdirmek bilen baglylykda, tölegleriň öz wagtynda geçmegine gözegçilik etmek tabşyryldy;
  • goranmak ministri B.Gündogdyýewe merkeziň çäklerinde ýangyn howpsuzlygyny, ulag-ýol hereketiniň sazlaşygyny üpjün etmek bilen baglanyşykly meseleleri berk gözegçilikde saklamagy tabşyrdy.
  • Ahal welaýatynyň häkimi Ý.Gurbanowa merkezde işlejek hünärmenleri seçip almak, onuň jemagat hojalygy ulgamyna degişli desgalarynyň sazlaşykly işini ýola goýmak bilen baglanyşykly meseleleri üns merkezinde saklamagy tabşyrdy.
  • wise-premýer M.Mämmedowa merkeziň desgalarynyň açylyş dabaralarynyň ýokary guramaçylyk derejesinde geçirmegi tabşyrdy;
  • Milli Geňşiň Mejlisiniň Başlygy G.Mämmedowa we Halk Maslahatynyň Başlygynyň orunbasary K.Babaýewe welaýat merkeziniň dolandyryş çäklerini we meýdanyny kesgitlemek, degişli kanunçylyk namalaryna üýtgetmeleri we goşmaçalary girizmek hem-de kesgitlenen çäreleri ýerine ýetirmek boýunça Milli Geňeşiň çözgütleriniň taýýarlanmalydygyna ünsi çekdi;
  • wise-premýer R.Meredowa  Ahal welaýatynyň täze edara ediş merkeziniň gurluşygynyň birinji tapgyrynyň ulanmaga berilmegi mynasybetli guraljak dabaralara halkara guramalarynyň, ilçihanalaryň wekilleriniň gatnaşmagyny üpjün etmek meselelerine üns bermegi tabşyrdy.

düýn 07:32
6.5k+

Antoniu Guterriş Türkmenistanyň Prezidentine hoşallygyny beýan edip hat ýazdy

Birleşen Milletler Guramasynyň Baş sekretary Antoniu Guterriş Türkmenistanyň Prezidenti Serdar Berdimuhamedowa Awazada BMG-niň maslahatynyň üstünlikli geçirilmegine hoşallyk bildirip hat iberdi. Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty 2025-nji ýylyň 5 — 8-nji awgustynda geçirildi...

27.08.2025 16:22
5.7k+

Türkmenistanyň Prezidenti Moldowany Garaşsyzlyk güni bilen gutlady

Prezident Serdar Berdimuhamedow Moldowa Respublikasynyň Prezidenti hanym Maýýa Sanduwа we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi...

27.08.2025 16:18
3.2k+

Serdar Berdimuhamedow Monakonyň Şazadasyny diplomatik gatnaşyklaryň ýola goýulmagynyň 10 ýyllygy bilen gutlady

Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Monako Knýazlygynyň Şazadasy Alber II we ýurduň ähli halkyna Türkmenistan bilen Monako Knýazlygynyň arasynda diplomatik gatnaşyklaryň ýola goýulmagynyň 10 ýyllygy mynasybetli tüýs ýürekden gutlaglaryny we iň gowy arzuwlaryny iberdi...

20.08.2025 13:57
2.6k+

Serdar Berdimuhamedow Wengriýanyň ýolbaşçylaryny Keramatly Stefanyň güni bilen gutlady

Prezident Serdar Berdimuhamedow Wengriýanyň Prezidenti Tamaş Şuýoka, Premýer-ministri Wiktor Orbana hem-de ýurduň ähli halkyna Wengriýanyň milli baýramy — Keramatly Stefanyň güni mynasybetli mähirli gutlaglaryny we iň gowy arzuwlaryny iberdi...