Serdar Berdimuhamedow Ahal welaýatynyň täze edara ediş merkezine baryp gördi

  • 11.09.2022 14:44
  • 13k+

10-njy sentýabrda Prezident Serdar Berdimuhamedow Ahal welaýatyna iş saparyny amala aşyryp, welaýatyň täze, döwrebap edara ediş merkeziniň gurluşygynyň barşy, onuň dowamynda alnyp barylýan gurluşyk işleriniň depginleri, binalaryň ýanaşyk ýerleriniň abadanlaşdyrylyşy hem-de bu ýerde guruljak binalaryň taslamalary bilen tanyşdy.

Döwlet Baştutany merkeziň çäginde gurulýan we gurulmagy meýilleşdirilýän medeni-durmuş maksatly binalaryň taslamalaryny synlady. Ahal welaýatynyň merkeziniň gurluşygy boýunça döwlet komitetiniň başlygy D.Orazow  merkeziň gurluşyk meýdançasynda alnyp barylýan  işleriň ýagdaýy hem-de bu ýerde görkezilýän taslamalar, olaryň aýratynlyklary barada hasabat berdi.   
Ahal welaýatynyň täze, döwrebap edara ediş merkezinde gurulýan muzeýiň, drama teatrynyň, başlangyç hünär okuw mekdebiniň, orta hünär okuw mekdebiniň, sport merkeziniň, köpugurly sport toplumynyň, 10 müň orunlyk stadionyň taslamalary görkezildi. Aýratyn-da, merkeziň çäklerinde tebigy ugurly dersleri hem-de daşary ýurt dillerini çuňlaşdyryp öwredýän ýöriteleşdirilen orta mekdepleriň hem-de çagalar bakja baglarynyň gurluşygyna möhüm ähmiýet berilýär.
Serdar Berdimuhamedow görkezilen taslamalary synlap, olaryň her biriniň özboluşly aýratynlyklarynyň bolmalydygyna ünsi çekdi.
Şeýle hem täze merkezde gurluşygy alnyp barylýan we bina edilmegi meýilleşdirilýän desgalaryň taslamalary, olaryň bezeg aýratynlyklary bilen tanyşlygyň dowamynda döwlet Baştutanymyz olara birnäçe belliklerini aýtdy we degişli düzedişleri girizdi.


düýn 07:32
6.5k+

Antoniu Guterriş Türkmenistanyň Prezidentine hoşallygyny beýan edip hat ýazdy

Birleşen Milletler Guramasynyň Baş sekretary Antoniu Guterriş Türkmenistanyň Prezidenti Serdar Berdimuhamedowa Awazada BMG-niň maslahatynyň üstünlikli geçirilmegine hoşallyk bildirip hat iberdi. Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahaty 2025-nji ýylyň 5 — 8-nji awgustynda geçirildi...

27.08.2025 16:22
5.7k+

Türkmenistanyň Prezidenti Moldowany Garaşsyzlyk güni bilen gutlady

Prezident Serdar Berdimuhamedow Moldowa Respublikasynyň Prezidenti hanym Maýýa Sanduwа we ýurduň ähli halkyna Moldowa Respublikasynyň Garaşsyzlyk güni mynasybetli tüýs ýürekden gutlaglaryny hem-de iň gowy arzuwlaryny iberdi...

27.08.2025 16:18
3.2k+

Serdar Berdimuhamedow Monakonyň Şazadasyny diplomatik gatnaşyklaryň ýola goýulmagynyň 10 ýyllygy bilen gutlady

Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Monako Knýazlygynyň Şazadasy Alber II we ýurduň ähli halkyna Türkmenistan bilen Monako Knýazlygynyň arasynda diplomatik gatnaşyklaryň ýola goýulmagynyň 10 ýyllygy mynasybetli tüýs ýürekden gutlaglaryny we iň gowy arzuwlaryny iberdi...

20.08.2025 13:57
2.6k+

Serdar Berdimuhamedow Wengriýanyň ýolbaşçylaryny Keramatly Stefanyň güni bilen gutlady

Prezident Serdar Berdimuhamedow Wengriýanyň Prezidenti Tamaş Şuýoka, Premýer-ministri Wiktor Orbana hem-de ýurduň ähli halkyna Wengriýanyň milli baýramy — Keramatly Stefanyň güni mynasybetli mähirli gutlaglaryny we iň gowy arzuwlaryny iberdi...