Niderlandlaryň Harlem şäheri dünýäde et mahabatyny bölekleýin ýa-da doly gadagan etjek ilkinji ýer bolar diýip, novosti.kg belleýär. Häkimiýetler şeýle karary et öndürijileriň howanyň üýtgemegine ýetirýän täsirine garşy göreş bilen düşündirýärler.
Fermalarda ýetişdirilen etiň mahabatyny gadagan etmek baradaky çözgüt 2024-nji ýyldan güýje girer. Gadaganlyk diňe jemgyýetçilik ýerlerinde – mysal üçin, awtobuslarda we düşelgelerde hereket eder.
“Bu Niderlandlarda, Ýewropada we hatda dünýäde jemgyýetçilik ýerlerinde “ýaramaz” etiň mahabatyny gadagan etjek ilkinji şäher bolar” – diýip, teklibi hödürlän partiýanyň agzasy Ziggi Klazes belleýär. Onuň aýtmagyna görä, global ýylamany çaltlaşdyrýan önümleri mahabatlandyrmak üçin şäher ýerlerini kärendesine bermek Harlemiň syýasatyna ters gelýär.
Gadaganlyk “öndümli ekarançylykdan arzan etlere” we fastfud torlarynyň mahabatlaryna täsir eder. Harlemiň häkimiýetleri organiki etiň mahabatyny gadagan etmelidigi ýa-da etmeli däldigi barada heniz belli netijä gelmediler.
Öň, ÝB ýewropalylara et we süýt önümleriniň sarp edilişini azaltmaga çagyrdy. Niderlandlaryň statistika edarasynyň maglumatlaryna görä, gollandiýalylaryň, takmynan, 95%-i et iýýär, olaryň 20%-i bolsa muny her gün edýär.
