Ýewropanyň futbol assosiasiýalarynyň bileleşigi (UEFA) ispan «Barselonasynyň» hüjümçisi Robert Lewandowskini Çempionlar ligasynyň birinji hepdäniň dowamyndaky iň oňat oýunçysy diýip mälim etdi. Bu barada guramanyň resmi saýtynda aýdylýar.
Toparlaýyn tapgyryň birinji oýnunda Çehiýanyň «Wiktoriýa Plzeni» bilen geçen oýunda (5:1) polşaly hüjümçisi üç gol geçirdi. Lewandowski üç dürli klub üçin het-trek edip, Çempionlar ligasynyň rekordyny goýdy.
UEFA ikinji ýerde Milanyň «Interi» bilen geçen oýunda gol salan we netijeli pas beren, «Bawariýanyň» hüjümçisi Leroý Zaneni goýdy.
Sanawda üçünji orny «Napoliniň» ýarymgoragçysy, «Liwerpul» bilen geçen oýunda (4:1) derwezä iki gezek gol geçiren we bir gezek netijeli ýardam pasyny beren Petr Zelinskiý eýeledi.
