Prezident Serdar Berdimuhamedow Türkmenistanyň halkynyň we Hökümetiniň adyndan hanym Liz Trassy Beýik Britaniýanyň we Demirgazyk Irlandiýanyň Birleşen Patyşalygynyň Premýer-ministri wezipesine girişmegi mynasybetli tüýs ýürekden gutlady.
“Türkmenistan bilen Birleşen Patyşalygyň arasynda ýola goýlan özara düşünişmek, deňhukuklylyk we ynanyşmak ýörelgelerine esaslanýan dostlukly gatnaşyklaryň bilelikdäki tagallalarymyz arkaly halklarymyzyň röwşen geljeginiň bähbidine mundan beýläk-de yzygiderli ösdüriljekdigine ynam bildirýärin” diýlip, gutlag hatynda bellenilýär.
Mälim bolşy ýaly, Liz Trass 5-nji sentýabrda Beýik Britaniýanyň täze Premýer-ministri wezipesine saýlandy. Onuň esasy bäsdeşi Rişi Sunak bolup, partiýa agzalarynyň 57,4 göterimi Trassa, 42,6 göterimi bolsa Sunaga ses berdi.
