Meta «pikirleri okamak» üçin emeli aň işläp taýýarlady

  • 06.09.2022 19:08
  • 10k+

Meta "Beýni dekoderini" döretdi, onuň kömegi bilen emeli aň modeller beýni işjeňligini «okaýarlar» we dile öwürýärler. Bu guraly aýtjak sözlerini we jümlelerini kellesinde aýlaýan ulanyjylaryň arasynda pikir arkaly aragatnaşyk saklamakda ulanyp bolýar. Barlaglar barada kompaniýa korporatiw blogda gürrüň berdi. 

Meta tehnologiýasy özüne meňzeş beýleki tehnologiýalardan beýni işjeňliginiň ýazgysynyň inwaziw däl usullaryna esaslanýandygy bilen tapawutlanýar. Kompaniýa diňe daşky datçikler ulanylýan elektroensefalografiýany (EEG) we magnitoensefalografiýany (MEG) ulandy. EEG-den we MEG-den alynýan maglumatlaryň ygtybarlylygy beýnä ornaşdyrylan datçikleriň berýän maglumatyndan pesdir. Şol sebäpli netijesi has gowy bolar ýaly, çykyş maglumatlarynyň has ulurak göwrümini işläp taýýarlamaly boldy.
Emeli aň synaga gatnaşyjylaryň audiokitaplara we käbir jümlelere reagirleýşini bellige aldy, soňra bolsa tekstden gerek sözleri saýhallady-da, "sözlük" düzdi, onuň esasynda işi yzlygyna amala aşyrdy, ýagny pikirleri dile öwürdi.
Barlag geçirijiler gündelik durmuşda has köp ulanylýan 793 sözüň toplumyny ulananda 73% takyklygy gazandylar.


30.09.2023 17:20
4.6k+

Meta Instagram, Facebook we WhatsApp üçin emeli intellekte esaslanýan çat-boty hödürledi

Meta amerikan kompaniýasy her ýyl geçirilýän Connect konferensiýasynda Instagram, Facebook we WhatsApp önümleri üçin emeli intellekte (EI) esaslanýan çat-boty anons etdi. Bu barada Financial Times habar berýär...

25.01.2022 23:33
7.6k+

Meta emeli intellektiň esasynda superkompýuter döretdi

Amerikan kompaniýasy Meta emeli intellektiň esasynda işleýän Al Research SuperCluster (RSC) superkompýuteriniň döredilendigini habar berdi. Bu barada Meta-nyň saýtynda aýdylýar. Muny belta.by ýetirýär.  Kompaniýanyň...

şu gün 17:39
2k+

Barlaglara görä, emeli aňlar ýalan sözlemäge we manipulýasiýa etmäge hem ukyply

Uly dil modellerini (LLM) döredijiler heniz hem emeli aňyň jogaby nädip döredýändigine doly düşünmeýärler diýip, täze barlaglara salgylanýan Financial Times ýazýar. Anthropic, Google, OpenAI we xAI laboratoriýalarynda jogaplar döredilende AI-niň pikirleniş ädimini yzarlamaga mümkinçilik berýän “pikirler zynjyry” usuly ulanylýar...

22.06.2025 18:06
6.5k+

Neuralink-iň çibi oturdylan meýletinçi bir hepdede pikiriň güýji bilen wideo oýun oýnamagy öwrendi

ABŞ-nyň Aýdaho ştatynyň ýaşaýjysy Rob Greýner Neuralink kompaniýasynyň neýroçibi oturdylan altynjy meýletinçi boldy. 2022-nji ýylyň dekabryndaky awtoulag heläkçiliginden soň ysmaz bolan erkek adam indi ekrandaky kursory elleriniň kömegi bolmazdan, diňe pikir güýji arkaly dolandyryp bilýär...