Ýeňil agramda UFC-niň öňki wagtlaýyn çempiony Toni Fergýuson indiki söweşini ýarym orta agram kategoriýasynda geçirer, onuň garşydaşy bolsa diwizionyň 14-nji belgisi Li Jinliang bolar diýip, fighttime.ru belleýär.
10-njy sentýabrda Las-Wegasda UFC 279 turnirinde geçiriljek söweş barada UFC-niň prezidenti Dana Uaýt habar berdi.
“Toni heniz kim bilen söweşýändigini aýtmadymy? Bu Li bolar” – diýip, guramanyň ýolbaşçysy UFC 278 turnirinden soň geçirilen metbugat konferensiýasynda aýtdy.
Şu ýylyň maý aýynda Toni Fergýuson ikinji raundda Maýkl Çendlerden nokaut bilen basylyp, bassyr dördünji gezek ýeňlişe sezewar boldy. Li Jinliang bolsa iýul aýynda ikinji raundda Muslim Salihowy tehniki nokaut bilen ýeňip, Hamzat Çimaýewden möhletinden ir ýeňlenden soň, karýerasyna üstünlik getirdi.
Ýatlap geçsek, UFC 279 turniriniň esasy wakasy ýarym orta agramda Hamzat Çimaýew bilen Neýt Diasyň arasyndaky söweş bolar.
