Akla sygmajak wakalara sözsüz wideolary düşürýän, TikTok-yň iň meşhur blogeri Habi Leým italýan raýatlygyny aldy. Bu barada 18-nji awgustda, penşenbe güni Le Figaro fransuz gazeti habar berdi.
Sosial torda 150 mln abunaçysy bolan 22 ýaşly bloger Senegalda doglan, emma bir ýaşyndaka maşgalasy bilen Italiýa göçýär. Bloger men özümi mydama italýan ýaly duýýardym diýýär.
Leýmiň önüp-ösen ýeri bolan, Turinden uzakda bolmadyk Kiwassoda oňa resmi ýagdaýda italýan raýatlygynyň berliş dabarasy boldy. Italiýada, esasan, doglan ýeriňe däl-de, ganyňa seredilýär: italýan raýatlygyny gysga wagtda almak üçin italýan garyndaşyň bolmaly, ýogsam bu iş, köplenç, juda uzaga çekýär.
2020-nji ýylda Habi Leým koronawirus pandemiýasy sebäpli zawoddaky işini ýitirenden soň, TikTok-da gysga wideolary düşürip ugraýar. Şol döwürde ol edere iş tapman, wideo çykarmak kararyna gelýär we özüniň hem bimany hasaplaýan wakalaryna ýüzüň ýönekeý mimikasyny we sessiz jogabyny düşürip, tiz wagtda meşhurlyk gazanýar.
Habi Leým geçen ýylyň iýunynda TikTok-yň iň meşhur blogeri boldy. Şonda ol sosial torda öz tanslary bilen meşhurlyk gazanan, 142 mln abunaçysy bolan amerikaly Çarli D Ameliodan öňe geçipdi. Ýaş ýigit indi kino dünýäsi bilen gyzyklanýar, 75-nji Kann kinofestiwalynda ol TikTok ugrundan emin agzasy boldy.
