Apple Kaliforniýadaky dükanynyň işgärleri bilen özara ylalaşyga geldi. Bellääp geçsek, işgärler öň torbalaryny barlatmak üçin wagt ýitirýändiklerinden nägile bolup talap arzasyny berdiler. Olar bu düzgün üçin ýitiren wagtlarynyň öweztölegini bermeklerini sorapdyrlar.
2013-nji ýylda Apple-iň Kaliforniýadaky 52 dükanynyň 14 683 işgäriniň adyndan berlen köpçülikleýin talap arzasynda torbalaryny barlatmak üçin sarp eden wagtlarynyň öweztölegini bermän, kompaniýanyň ştatyň kanunyny bozandygy nygtalýardy. Apple hem öz gezeginde işgärleriň torbalaryny howpsuzlyk nukdaýnazaryndan barlamagyň zerurdygyny mälim edipdi. Kompaniýa işgärleriň gurluşlary ogurlap-ogurlamaýandygyna göz ýetirmek isläpdi. Ula ýazan dawadan soň, Apple bu düzgünini ýatyrdy. Indi kompaniýa dükanlarynyň işgärlerine 30,5 mln dollar tölemeli boldy.
