Hüjümçi Karim Benzema, derwezeban Tibo Kurtua we ýarym goragçy Kewin de Bruýne UEFA-nyň wersiýasyna görä, 2021/22-möwsüminiň oýunçysy adyna dalaş edýän futbolçylaryň üçlügini emele getirdi. Bu barada guramanyň saýtyna salgylanyp, www.sport-interfax.ru habar berýär.
Klub derejesinde fransiýaly Benzema we belgiýaly Kurtua Ispaniýanyň “Realy”, belgiýaly de Bruýne bolsa Angliýanyň “Mançester Sitisi” üçin çykyş edýär.
Ýeňiji 25-nji awgustda UEFA-nyň Çempionlar ligasynyň toparlaýyn tapgyrynyň bije çekişlik dabarasy wagtynda mälim ediler.
