Russiýanyň «VKontakte» sosial ulgamy 9-njy awgustda platformanyň birnäçe esasy önümlerine täsirini ýetirjek programmanyň global täzelenmesini yglan etdi. Bu barada iz.ru habar berýär.
Sosial ulgamyň täzelenmegi birnäçe tapgyrda amala aşyrylar we birnäçe aýyň içinde ähli ulanyjylar üçin elýeterli bolar.
Täzelenmäniň birinji tapgyrynda metbugat hyzmatynyň sosial ulgamda eýýäm ulanyjylara görkezen täze dizaýndaky lentasy bolar.
“Lentada janly media formatlaryna, ulanyjylaryň çalt maglumat almagyna, täze dizaýna, estetiki tanyşdyryşa we mazmunlara çuňňur gatnaşmaga, ilkinji nobatda bolsa, ulanyjy tarapyndan iň köp talap edilýän dostlaryň mahabatlaryna aýratyn üns berilmäge mümkinçilik döredilýär "-diýip, habar berildi.
Şeýlelik bilen, mahabatyň gymmatyna baha bermek üçin, indi ýazgynyň islendik bölegine iki gezek basmak ýeterlikdir. Mundan başga-da, ulanyjylaryň adyndan ýazylan ýazgylarda awtoryň suraty görkeziler. Indiki etaplaryň jikme-jiklikleriniň soňrak aýan ediljekdigi bellendi. 23-nji maýda «Vkontakte-iň» adamlary gözlemek üçin “Meni tap” («Найди меня») hyzmatyny açandygy mälim boldy. “Meni tap” («Найди меня») kiçi programmasy tanyşlary, dostlary we uzak garyndaşlary tapmaga kömek eder.
