Dollaryň bahasynyň gymmatlamagyna we Amerikanyň gymmatly kagyzlarynyň girdejisiniň artmagyna getiren ABŞ-yň zähmet bazary baradaky maglumatlar çap bolanynyň yzysüre, altyn, bir aýlyk gymmatlaýyşdan soň, arzanlamaga başlady.
Nýu-Ýorkuň söwda biržasynda (NYMEX) dekabryň şertnamalarynyň kotirowkasy aşgabat wagty bilen 19:00-da 0,9% - unsiýasy 1790,40 dollara çenli peseldi.
Sentýabrda üpjün edilmeli kümşüň bahasy 1,9%, unsiýasy 19,74 dollara çenli aşak düşdi.
5-nji awgustda mälim bolşuna görä, iýulda ABŞ-yň ykdysadyýetinde iş ýerleriniň sany 528 müňe çenli artdy, bu seljerijileriň garaşanyndan iki esse artykdyr. Mundan hem başga, geçen aýda ABŞ-da işsizlik, öňki aý 3,6% bolanlygyndan 3,5%-e çenli peseldi. Seljerijiler bu görkeziji üýtgemez diýip garaşýardylar
Maglumat çap bolandan soň, US Treasuries-iň girdejisi 14 bazis punkt, 2,84% ýokarlandy. Dollaryň dünýäniň esasy alty walýutasyna degişlilikde ösüşini görkezýän, göz öňünde tutulýan ICE indeks 0,9%-e çykdy.
