Urugwaý, Argentina, Paragwaý we Çili 2030-njy ýylda dünýä çempionatyny geçirmäge bilelikdäki arzasyny berdiler diýip, Frans Press agentligi ýazýar. Arzanyň resmi taýdan taýýarlanyş dabarasy 1930-njy ýylda futbol boýunça ilkinji dünýä çempionatynyň geçen ýeri bolan Urugwaýyň paýtagty Montewideonyň "Sentenario" stadionynda geçdi. Şol wagt çäräni geçirmek üçin 90 müň tomaşaça niýetlenen meýdança gurlupdy.
"Biz futbolyň taryhynyň başlanan ýerinde durus. Bu hökümet taslamasy däl-de, tutuş yklymyň arzuwy. Dünýäniň çempionatlary başga-da bolar, ýöne ýüz ýyllyk diňe bir gezek bellener" - diýip, Futbolyň Günorta Amerika konfederasiýasynyň (KONMEBOL) prezidenti Alexandro Dominges mälim edýär.
Öň mälim bolşy ýaly, dört ýurduň prezidenti 1930-njy ýylda Urugwaýda geçen birinji dünýä çempionatynyň 100 ýyllyk baýramçylygyna bagyşlap, 2030-njy ýylda futbol boýunça dünýä çempionatyny guramak üçin bilelikdäki arza bilen tanyşdyrmagy karar etdiler.
Iň ýakyndaky dünýä çempionaty 2022-nji ýylyň 21-nji noýabryndan 18-nji dekabry aralygynda Katarda geçer.
