Guterriş klimatyň üýtgemeginden zyýan çekýän ýurtlara ýylda $100 mlrd ibermäge çagyrdy

  • 20.07.2022 15:00
  • 16k+

BMG-niň Baş sekretary Antoniu Guterriş baý döwletleri klimat üýtgemeleriniň netijelerini ýeňip geçmäge kömek etmek üçin ösüp barýan ýurtlara ýylda $100 mlrd bölüp bermek wadasyny ýerine ýetirmäge çagyrdy. Bu barada interfax.ru habar berýär.

“Her ýyl $100 mlrd bölüp bermek wadasyny sözde saklamagy bes etmeli. Ýerine ýetirilmeli möhleti, tertipnamany aýdyňlaşdyryň, anyk maglumatlary beriň” – diýip, Associated Press (AP) 40 ýurduň gatnaşmagynda Berlinde başlanan klimat konferensiýasynda Baş sekretaryň aýdan sözlerini getirýär.

AP iýun aýyndaky tehniki gepleşikleriň ösüp barýan ýurtlara klimat üýtgemelerine uýgunlaşmakda kömek etmek ýaly mowzuklarda birneme öňegidişlik görkezendigini belleýär. Şol bir wagtyň özünde bu maksatlara her ýyl $100 mlrd gönükdirmek maksadyna bolsa heniz 2020-nji ýylda ýetilmelidi.
Mundan başga-da, Guterriş 2015-nji ýyldaky Pariž şertnamasynda göz öňünde tutulan global ýylamany Selsiý boýunça 1,5 gradus bilen saklamak meselesini ýerine ýetirmegiň barha kynlaşýandygyny duýdurdy. BMG-niň Baş sekretary dürli ýurtlar tarapyndan gazylyp alynýan ýangyjyň dowamly ulanylmagyny tankytlady. 
Ýewrokomissiýanyň baştutanynyň orunbasary Frans Timmermans ÝB-niň käbir ýurtlarynyň gazylyp alynýan ýangyjyň ulanylyşyny artdyrýandygyna garamazdan, ÝB-niň häzirem klimat gurşawynda maksatlara ýetmäge ýykgyn edýändigini aýtdy.
AP Berlindäki häzirki gepleşikleriň noýabr aýynda Müsürde geçiriljek BMG-niň klimat sammitiniň öňüsyrasynda baý we garyp ýurtlaryň arasyndaky ynamy dikeltmäge gönükdirilendigini düşündirýär.


27.11.2025 12:41
3k+

Türkmenistan Adwokatlaryň Milli hünär assosiasiýasyny döretmek ugrunda iş alyp barýar

Türkmenistanda Adwokatlaryň milli hünär assosiasiýasyny döretmek meselesi ara alnyp maslahatlaşylýar. Bu mowzuk 21-nji noýabrda Aşgabatda geçirilen we ýuridik kömek ulgamyny ösdürmäge hem-de adam hukuklaryny goramakda aklawçylaryň roluny güýçlendirmäge bagyşlanan tegelek stoluň merkezi meselesi boldy...

26.11.2025 17:48
5k+

BMG Baş sekretar wezipesine dalaşgärleri saýlap almak işine başlady

Birleşen Milletler Guramasynyň (BMG) Baş sekretary wezipesine täze dalaşgärleri hödürlemek prosesi Howpsuzlyk Geňeşi bilen Baş Assambleýanyň bilelikdäki beýanatyndan soň başlady. Saýlaw işleriniň başlanandygy baradaky...

14.11.2025 18:57
4.3k+

Oguljahan Atabaýewa BMG-niň Türkmenistandaky hemişelik utgaşdyryjysy bilen duşuşdy

13-nji noýabrda Türkmenistanyň Zenanlar birleşiginde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa BMG-niň Türkmenistandaky hemişelik utgaşdyryjysy Dmitriý Şlapaçenko bilen duşuşdy...

10.11.2025 12:50
3.2k+

Türkmenistan häzirki döwrüň howplaryna garşy göreşmekde BMG bilen hyzmatdaşlygyny berkidýär

7-nji noýabrda Türkmenistanyň daşary işler ministriniň orunbasary Mähri Bäşimowa bilen BMG-niň Neşe serişdeleri we jenaýatçylyk baradaky müdirliginiň (UNODC) Merkezi Aziýa, Owganystan, Eýran we Pakistan boýunça sebitleýin wekili Oliwer Ştolpeniň arasynda duşuşyk geçirildi...