Boris Jonson Beýik Britaniýanyň Premýer-ministri we Konserwatorlar partiýasynyň ýolbaşçysy wezipesinden aýrylýandygyny yglan etdi. Bu barada RIA Nowosti habar berýär.
"Häzirki wagtda Konserwatorlar partiýasynyň täze lider we şonuň bilen bilelikde täze Premýer-ministr bellemek isleýändigi düşnükli. Men Konserwatorlar partiýasynyň täze liderini saýlamak çäresiniň häzir başlamalydygy babatda Grem Breýdi bilen ylalaşdym» — diýip Jonson ýurda ýüzlenmesinde belledi.
Premýer soňky günlerde kärdeşlerini ýurduň Hökümetini üýtgetmezlige ynandyrmaga synanyşandygyny aýtdy.
"Bu meseleler babatda üstünlik gazanyp bilmändigime gynanýaryn. Ep-esli ideýalardyr taslamalary özümiň ahyryna çenli alyp gidip bilmejekdigime gynanýaryn" - diýip, ol belledi.
Habar beriş serişdeleriniň ýazmagyna görä, konserwatorlaryň täze lideri oktýabrda geçiriljek ýygnanyşykda saýlanar, emma partiýanyň käbir agzalary Premýer-ministriň wezipesini wagtlaýyn ýerine ýetirjek adamy eýýäm şuwagtdan saýlamaga çagyrýarlar.
