Afrikada 95:0 we 91:1 hasap bilen tamamlanan futbol duşuşyklary derňew edilip başlandy

  • 07.07.2022 12:57
  • 32k+
Afrikada 95:0 we 91:1 hasap bilen tamamlanan futbol duşuşyklary derňew edilip başlandy

Sýerra-Leoneniň futbol assosiasiýasy (SLFA) jemi 187 gol salnan iki oýnuň netijesi boýunça derňew işiniň başlanandygyny habar etdi.

Günbatar Afrikada ýerleşýän Sýerra-Leoneniň Ikinji diwizionynda "Kahunla Reýnjers" 95:0 hasap bilen "Lumbebu Ýunaýtedden" üstün çykdy, "Galf" bolsa "Kokima Liwany" 91:1 netije bilen utdy. Şunuň ýaly ýokary netije ýurduň futbol boýunça ýolbaşçylarynyň öňünde birgiden sowaly ör boýuna galdyrdy, üstesine, bu oýunlaryň birinji ýarymy birneme adatyrak hasaplar bilen (2:0 we 7:1) tamamlanypdy ahyry.
SLFA duşuşyklaryň netijelerini dessine ýatyrdy we günäkärleri jogapkärçilige çekmek maksady bilen derňewe başlanandygyny we meseläni dykgat bilen öwrenjekdigini habar berdi.
Onsoňam munuň ýaly hasaplaryň, megerem, sport wakalaryna goýum goýmak bilen  hiç hili baglanyşygynyň ýokdugy täsindir. Oýunlar bir wagtda başlapdyr, "Kahunla Reýnjerisiň" we "Galfyň" bolsa saýlama diwizionda ýer almak ugrundaky göreşde utuklarynyň sany deň eken. Sebäp - salnan toplaryň aratapawudyndaky bäsdeşlikde. Gyzykly ýeri, "Galf" - "Kokima Liwan" oýnunyň arbitry arakesme wagtynda işini dowam etmekden boýun gaçyrypdyr we başgasy bilen çalşylypdyr. 

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy
şu gün 13:20
2.7k+

“Mançester Ýunaýted” ilkinji gezek Liganyň kubogyndan 4-nji diwizionyň klubundan utulyp çykdy

“Mançester Ýunaýted” ikinji tapgyrda “Grimsbi Taundan” utulandan soň (2:2, penalti boýunça 11:12) Angliýanyň ligasynyň kubogyndan çykdy. Squawka portalynyň habar bermegine görä, bu taryhda klubuň ýaryşda dördünji diwiziondaky garşydaşdan ilkinji gezek utulmagy boldy...

Messi “Inter Maýamini” MLS + MX ligalarynyň kubogynyň finalyna çykardy
şu gün 12:35
2.8k+

Messi “Inter Maýamini” MLS + MX ligalarynyň kubogynyň finalyna çykardy

MLS (ABŞ we Kanada) we MX ligasynyň (Meksika) klublarynyň arasyndaky futbol boýunça demirgazyk amerikan ýaryşynyň – Ligalaryň kubogynyň ýarym final oýunlary geçirildi. Aýgytly oýunda kubok ugrunda göreşmek hukugyny “Inter Maýami” we “Sietl Saunders” gazandy...

Çempionlar ligasynyň esasyna tapgyryna gatnaşyjylaryň ählisi kesgitlendi
şu gün 11:47
2.8k+

Çempionlar ligasynyň esasyna tapgyryna gatnaşyjylaryň ählisi kesgitlendi

28-nji awgusta geçilen gije Çempionlar ligasynyň pleý-off tapgyrynyň soňky oýunlary tamamlandy. Netijede, Ýewropanyň esasy ýaryşynyň umumy tapgyryna gatnaşjak klublaryň ählisi belli boldy. Ýaryş üçin ýollamany iň soňky bolup “Kaýrat” (Gazagystan), “Budýo-Glimt” (Norwegiýa), “Pafos” (Kipr), “Karabah” (Azerbaýjan), “Brýugge” (Belgiýa), “Benfika” (Portugaliýa) we “Kopengagen” (Daniýa) aldy...

Çempionlar ligasynyň täze toplary gijeki asmandan, kosmosdan we demirgazyk şapagyndan ylham alyp döredildi
düýn 16:39
7.6k+

Çempionlar ligasynyň täze toplary gijeki asmandan, kosmosdan we demirgazyk şapagyndan ylham alyp döredildi

Ýewropa futbol assosiasiýalarynyň birleşigi (UEFA) 2025/26 möwsüminiň erkekler we zenanlar Çempionlar ligasy üçin täze resmi toplaryny hödürledi. Täze modeller ýaryşyň umumy tapgyrynda ulanylar. Erkekler Çempionlar ligasy üçin top gök we altyn nagyşlar bilen bezeldi...