Fransiýaly hünärmen Kristof Galtýe «Pari Sen-Žermen» futbol klubunyň baş tälimçisi boldy. Bu barada toparyň metbugat gullugy habar berdi diýip, TASS belleýär.
Hünärmeniň klub bilen şertnamasy 2024-nji ýylyň 30-njy iýunyna çenli niýetlenýär.
Sişenbe güni “PSŽ-niň” metbugat gullugy 2021-nji ýylyň ýanwar aýyndan bäri topara ýolbaşçylyk eden argentinaly Maurisio Poçettinonyň toparyň baş tälimçisi wezipesinden gidendigini mälim etdi. Onuň ýolbaşçylygynda “PSŽ” Fransiýanyň çempiony boldy, ýurduň Kubogyny we Super kubogyny gazandy.
Galtýe 55 ýaşynda. 2021/22-möwsüminde ol Fransiýanyň “Nissa” klubuna ýolbaşçylyk etdi. Onuň ýolbaşçylygynda topar milli birinjiligiň turnir jedwelinde bäşinji orny eýeledi we Fransiýanyň Kubogynyň finalyna çykdy, finalda ol “Nantdan” utuldy. Fransiýanyň çempionatynyň ýeňijisi “PSŽ” boldy. Galtýe “Lill” toparynyň hem tälimçisi bolupdy. Onuň bilen 2020/21-möwsüminde Fransiýanyň çempionatynda ýeňiş gazandy. Şeýle-de, ol “Sent-Etýene” ýolbaşçylyk edip, onuň bilen Fransuz ligasynyň kubogynyň ýeňijisi boldy (2012/13).
