Karlos Saýns Beýik Britaniýanyň Gran-prisinde ýeňiji boldy

  • 04.07.2022 11:31
  • 4.3k+

“Ferrari” toparynyň sürüjisi Karlos Saýns “Formula-1” dünýä çempionatynyň onunjy tapgyry bolan Beýik Britaniýanyň Gran-prisinde birinji orny eýeledi. Ikinji orny “Red Bulluň” sürüjisi Serhio Peres (+3,779 sekunt yza galyş), üçünji orny “Mersedesden” Lýuis Hemilton (+6,225) eýeledi.

Saýns karýerasynda ilkinji ýeňşini gazandy, mundan öň onuň iň gowy netijesi 2020-nji ýylda Italiýanyň Gran-prisinde ikinji orny eýelemegi boldy. 
Pellehana 20 sürüjiden bary-ýogy 14-üsi ýetdi. Birinji aýlawda bäş ulag çaknyşdy, netijede Jorj Rassel (“Mersedes”), Guanýuý Çžou (“Alfa Romeo”) we Aleksandr Albon (“Williams”) ýaryşdan çykdy. Çžou bilen Albon barlagdan geçirmek üçin lukmançylyk merkezine iberildi. Şeýle-de, tehniki näsazlyk sebäpli Waltteri Bottas (“Alfa Romeo”, 21-nji aýlawda çykdy), Pýer Gasli (“Alfa Tauri”, 27) we Esteban Okon (“Alpin”, 39) pellehana ýetip bilmedi. 
Çempionatyň jedwelinde “Red Bulluň” sürüjisi Maks Ferstappen birinji orunda ýerleşýär, onuň 181 utugy bar. Ikinji orny Peres (147 utuk), üçünji orny Lekler (138) eýeleýär.
Konstruktorlaryň kubogynda “Red Bull” öňdebaryjydyr (328), “Ferrari” ondan 63 utuk yzda.
Çempionatyň indiki tapgyry Awstriýanyň Gran-prisi bolup, 8 – 10-njy iýulda geçiriler.


08.09.2025 12:01
2.1k+

Werstappen Italiýanyň Gran-prisini utdy, Norris – ikinji, Piastri – üçünji

“Red Bull” toparynyň sürüjisi Maks Werstappen 7-nji sentýabrda Monsada geçirilen Italiýanyň Gran-prisinde ýeňiş gazandy. Niderlandly ýaryşa gatnaşyjy pouldan başlady, ýöne ilkinji aýlawlarda Lando Norrisden (“Maklaren”) yza galdy...

01.09.2025 12:19
2.5k+

Piastri Niderlandlaryň Gran-prisinde ýeňiji boldy, Werstappen – ikinji

“Maklaren” toparynyň sürüjisi Oskar Piastri 31-nji awgustda Zandwortda geçen Niderlandlaryň Gran-prisinde ýeňiji boldy. Ikinji bolup pellehana “Red Bulldan” häzirki dünýä çempiony Maks Werstappen geldi. Üçünji orny “Reýsing Bulls” toparynyň wekili Isak Hajar eýeledi – onuň üçin bu karýerasynda münbere ilkinji gezek çykmagy boldy...

04.08.2025 13:27
3k+

“Maklaren” yzygider dördünji gezek ilkinji iki orny eýeläp, “Formula-1-iň” rekordyna golaýlady

“Maklaren” toparynyň ýaryşa gatnaşyjylary yzygider dördünji gezek “Formula-1-iň” münberinde ilkinji iki orny eýeledi. Ýekşenbe güni geçen Wengriýanyň Gran-prisinde birinji bolup pellehana Lando Norris, ikinji bolup onuň topardaşy Oskar Piastri geldi...

28.07.2025 11:57
1.6k+

“Maklarenden” Oskar Piastri Belgiýanyň Gran-prisiniň ýeňijisi boldy, Norris – ikinji

“Maklaren” toparynyň awstraliýaly sürüjisi Oskar Piastri “Formula-1” çempionatynyň 13-nji tapgyry bolan Belgiýanyň Gran-prisinde ýeňiji boldy. Ýaryş Spa-Frankorşam awtodromynda geçirildi. Howa şertleri sebäpli ýaryş gijräk başlady...