Fernandinýo “Atletiko Paranaense” klubuna dolanyp geldi

  • 29.06.2022 06:21
  • 7.2k+

Ýarym goragçy Fernandinýo braziliýaly klub “Atletiko Paranaense” bilen şertnama baglaşdy. Bu barada klubuň metbugat gullugy habar berýär diýip, TASS belleýär.

Iýun aýynda erkin agent bolan 37 ýaşly oýunçy bilen şertnama 2024-nji ýylyň ahyryna çenli niýetlenýär. Ol toparda bäşinji belgi bilen çykyş eder.
“Atletiko Paranaenseniň” baş tälimçisi Luis Felipe Skolari bolup, onuň ýolbaşçylygynda Fernandinýo 2014-nji ýylyň dünýä çempionatynda Braziliýanyň milli ýygyndysynda oýnady. Ýaryşyň jemi boýunça, braziliýalylar dördünji orny eýelediler.
Fernandinýo “Atletiko Paranaenseniň” ýetişdiren oýunçysy bolup, ol esasy topar üçin 2002-nji ýyldan 2005-nji ýyl aralygynda oýnady. 2005-nji ýyldan 2013-nji ýyl aralygynda ol Doneskiň “Şahtýor” toparynda çykyş edip, onuň düzüminde alty gezek Ukrainanyň çempionatynda ýeňiji hem-de 2008/09-möwsüminde UEFA-nyň Kubogynyň (häzir – Ýewropanyň ligasy) ýeňijisi boldy. 2013-nji ýylda ýarym goragçy Angliýanyň “Mançester Siti” klubuna geçdi we topar bilen bilelikde bäş gezek Angliýanyň Premýer-ligasynyň, alty gezek Angliýanyň ligasynyň Kubogynyň, iki gezek Angliýanyň Super kubogynyň we bir gezek ýurduň Kubogynyň ýeňijisi boldy. Fernandinýo topar üçin 383 oýna gatnaşyp, 26 gol girizdi we 33 netijeli geçirim etdi.
“Atletiko Paranaense” Braziliýanyň çempionatynyň jedwelinde üçünji orny eýeleýär, 14 oýundan soň toparyň hasabynda 26 utuk bar. 29-njy iýunda klub Libertadoresiň kubogynyň 1/8 finalynyň ilkinji oýnunda Paragwaýyň “Libertad” topary bilen duşuşar.  


düýn 16:12
6.3k+

“Inter” Simone Indzaginiň baş tälimçi wezipesinden gidendigini mälim etdi

Simone Indzagi ikitaraplaýyn ylalaşyk esasynda “Interiň” baş tälimçisi wezipesini terk etdi. Maglumat italýan klubunyň resmi saýtynda tassyklandy. Indzagi “Intere” 2021-nji ýylyň tomsundan bäri ýolbaşçylyk etdi...

düýn 16:10
6.9k+

Ýamal CIES tarapyndan dünýäniň iň gymmat futbolçysy diýlip atlandyryldy

Ispaniýanyň milli ýygyndysynyň hüjümçisi Lamin Ýamal Halkara sport gözlegleri merkeziniň (CIES Football Observatory) wersiýasy boýunça dünýäniň iň gymmat futbolçysy boldy. “Barselona” bilen täze şertnama baglaşandan soň, onuň transfer bahasy 402,3 mln ýewro diýlip hasaplandy...

düýn 08:16
8.8k+

UEFA 2025/26 möwsümiň öň ýanynda klublaryň täzelenen koeffisentli jedwelini neşir etdi

UEFA soňky bäş möwsümiň netijeleri boýunça täzelenen klub koeffisentleriniň reýtingini çap etdi. 2025/26 möwsüm başlamazyndan ozal bu sanawyň birinji basgançagynda Madridiň "Real" topary ýerleşýär. UEFA-nyň koeffisentleri klublaryň soňky bäş ýylda Ýewropa kuboklarynda gazanan üstünliklerini görkezýär...

02.06.2025 12:20
9.8k+

UEFA Çempionlar ligasy 2024/25-iň iň gowy oýunçylaryny we simwolik toparyny kesgitledi

“Pari Sen-Žermeniň” hüjümçisi Usman Dembele 2024/2025 möwsüminiň Çempionlar ligasynyň iň gowy oýunçysy diýlip ykrar edildi. Bu barada Ýewropanyň Futbol Assosiasiýalarynyň Birleşiginiň (UEFA) resmi saýtynda habar berilýär...